A wie…

außenseiterin

sie is
wia a vougerl
mit brouchene fliegl
des im heahnastoi lieg

warums neama fliagn kou
frog kana
und obs bleibn wü
a nit

es frisst zvü
es schreit zvü
und die heahna
schauts a deppat ou

ma frog sich
schain loungsoum
obs sunst
a nou wos kou

wounns wieda fuat is
und fia wos as guat is
san a so frogn
die ma sich stöht

wal dass as tuat
wos as tuat
tuats jo bestimmt nur
damits uns damit quöht

dabei houmma söba an vougel
nur zum fliagn samma zfeig
kennat jo a fliegl brechen
und wos sogn dann wui die leit